ფუტსალის ლიგის მე-19 ტურის სამი მატჩის მიმოხილვაში გაუწყეთ, რომ ქუთაისისა და წალენჯიხას შეხვედრა გადაიდო. სწორედ ამ მატჩს უნდა გაერკვია იმ გუნდის ვინაობა, რომელიც ბოლო ადგილსა და შესაბამისად, ფუტსალის უმთავრეს ლიგიდან დაქვეითებას ვერ ასცდებოდა. მე-7 ადგილის დაკავებისა და შესაბამისად პლეი აუტში ასპარეზობის მოპოვების უკეთესი შანსი წალენჯიხას ჰქონდა, რომელიც აქამდე მეშვიდე საფეხურზე იყო და 2 ქულით უსწრებდა იმერლებს. მეგრელების გამარჯვების შემთხვევაში, ქუთათურები უშუალო კონკურენტს ერთი ქულით გაუსწრებდნენ და ცხრილში ადგილს გაუცვლიდნენ. მოკლედ, ამ შეხვედრაში მეტოქეებს მოტივაცია არ აკლდათ.

აქამდე ეს გუნდები მხოლოდ ორჯერ დაუპირისპირდნენ, პირველი მატჩი უგოლოდ დასრულდა, მეორე კი მეგრელებმა მინიმალური სხვაობით მოიგეს. ეს გადამწყვეტი შეხვედრა, რომელიც უხვგოლიანი გამოდგა, წალენჯიხელებმა მეტქე წინ არ გაუშვდეს და უფრო შედეგიანადაც იასპარეზეს და პირველიც მათ გაიტანეს... მე-4 წუთზე ლაშა კაკაჩიამ გახსნა ანგარიში, 0:1. გავიდა 7 წუთი და ვაჟა კვარაცხელიამ სხვაობა გააორმაგა, 0:2. ქუთათურებმა მეტოქეზე ზეწოლა გააძლიერეს და მალევე ავტოგოლით სხვაობა შეამცირეს, 1:2. კიდევ წუთში ირაკლი გვეტაძემ წონასწორობა აღადგინა, 2:2. ამას წალენჯიხა არ შეეგუა, მე-18 წუთზე კაკაჩიამ დუბლი მიითვალა და წალენჯიხა ისევ წინ გაიყვანა. ორიოდე წუთში ნიკა ხარშილავამ სტუმართა ფორა გააორმაგა, 2:4. იმერლები მდევრის როლს არ შეეგუენ და 26-ე წუთზე დავით ჯალაღანიამ ანგარიშში სხვაობა ისევ მინიმუმამდე შეამცირა, 3:4. გავიდა ხუთი წუთი და ვაჟა ლუკავამ, 16  წამში შესრულებული დუბლით მეგრელთა უპირატესობა სოლიდური გახადა, 3:6. ქუთაისმა მატჩის გადარჩენისთვის ბოლომდე იბრძოლა. 36-ე წუთზე გიორგი ხუნდაძემ ერთი ბურთი გაქვითა, მერე გვეტაძემ მეორედაც გაიტანა, მაგრამ ეს იმერლებისთვის საკმარისი არ აღმოჩნდა.

წალენჯიხამ 5:6 მოიგო და რეგულარული სეზონის დასრულებამდე 2 ტურით ადრე, ქუთაისს 5 ქულით გაუსწრო. მეგრელებმა პლეია უტი თითქმის დაიბევეს, რადგან დარჩენილ ორ ტურში, ქუთაისს ცხრილის სათავეში მყოფ მრისხანე მეტოქეებთან, ნიუ ვიჯენ ჯორჯიანსთან და პსპ-სთან მოუწევს დაპირისპირება.