ფუტსალის უმთავრეს ლიგაში, ახალი სეზონი ხუთშაბათს, 3 ოქტომბერს აიღებს სტარტს, რომელშიც კვლავ 8 გუნდი იასპარეზებს. ამ ოქტეტის ჩამონათვალი ასეთია: ბეტის თბილისი, კსუ, პსპ, ნიუ ვიჟენ ჯორჯიანსი, თსუ, არმია, UG-წალენჯიხა და დინამო თბილისი. ამ სიაში ახალი გუნდებია და თუ რატომ, ამასაც ახლავე განგიმარტავთ...

შეგახსენებთ, რომ ქუთაისმა გასული ჩემპიონატი ბოლო ადგილზე დაასრულა. შესამისად, ქუთათურები დაქვეითებას ვერ ასცდნენ და მათ ნაცვლად მთავარ ლიგაში დინამო თბილისი აღზევდა, რომელმაც მეორე ლიგაში პირველი ადგილი დაიკავა. წალენჯიხა, ფლეი აუტის სერიაში საქარველოს უნივერსიტეტს დაუპირისპირდა, მაგრამ მეგრელები სტუდენტებთან დამარცხდნენ. საბოლოოდ ისე მოხდა, რომ ეს ორ გუნდი გაერთიანდა და ახალ სეზონში UG-წალენჯიხა იასპარეზებს.

... კიდევ ორი გუნდი გაერთიანდა, გასულ სეზონში მთავარ ლიგაში მოასპარეზე ილიაუნი და ბეტისი გაერთიანდა და ამ ჩემპიონატში ბეტის თბილისის სახელით ითამაშებს.

უფრო დიდი ცვლილებები მოხდა ჩემპიონატის რეგლამენტში. ფუტსალის რეგულარული ჩემპიონატის ისევ 3 წრედ გაიმართება, რომლის შემდეგ, ცხრილში დაკავებული ადგილების მიხედვით, 8 გუნდი ორ ოთხეულად დაიყოფა. საპრიზო ადგილებისთვის ბრძოლას მხოლოდ მოწინავე კვარტეტი (1-4 ადგილზე გასული გუნდები) გააგრძელებს და ფლე-ოფის ნახევარფინალებიდან გააგრძელებს ასპარეზობას. მოწინავე ოთხეულიდან პირველადგილოსანი, ნახევარფინალში მე-4 ადგილზე გასულს დაუპირისპირდება. მეორე წყვილს შექმნიან, მეორე და მესამე ადგილზე გასული გუნდები. ნახევარფინალურ და ფინალურ სერიაში გამარჯვებულის გამოსავლენად 3-3 მოგება იქნება საჭირო.

რაც შეეხება ქვედა ოთხეულს (მე-5, მე-6, მე-7, მე-8 ადგილზე გასულები), ეს გუნდები ორ წრედ ჩემპიონატის სისტემით გააგრძელებენ ასპარეზობას. ერთმანეთს ყველა გუნდი 2-2-ჯერ ეთამაშება. ჯამში 6 ტურს ითამაშებენ და შედეგად მე-8 ადგილზე გასული გუნდი ქვედა ლიგაში გავარდება, მე-7 ადგილზე გასულ გუნდს, რჩეულთა შორის დარჩენისთვის ფლეი აუტში, ქვედა ლიგის მე-2 ადგილოსანთან მოუწევს ბრძოლა. ბუნებრივია, ამ ახალი რეგლამენტით, დაძაბულობა და დრამატული მატჩების რაოდენობა საგრძნობლად მოიმატებს. ასე რომ, წინ დიდი  ჯახები გველის.

დაბოლოს კიდევ ერთი სიახლე... ფუტსალის ახალ სეზონს სუპერთასი დააგვირგვინებს, რომელშიც ფუტსალის ლიგის ჩემპიონი, თასის მფლობელ გუნდს, ერთ მატჩში დაუპირისპირდება, გამარჯვებული კი სუპერთასს დაეუფლება. თუ ჩემპიონი და თასის მფლობელი ერთი და იგივე გუნდი იქნება, მაშინ ეს გუნდი სუპერთასისთვის, თასის ფინალისტთან იბრძოლებს.