3 ოქტომბერს, ფუტსალის უმთავრეს ლიგაში, ახალი, 2025-2026 წლების სეზონი აიღებს სტარტს. რიგით მე-6 გათამაშებაში, ამჯერადაც 8 გუნდი იასპარეზებს. ამ ოქტეტიდან ნახევარზე მეტი, ფუტსალის ქომაგებისთვის კარგადაა ცნობილი. კსუ-ს (კავკასიის საერთაშორისო უნივერსიტეტი), ნიუ ვიჟენ ჯორჯიანსს, პსპ-სა და არმიას წარდგენა არ სჭირდება. ფუტსალის მთავარ ლიგაში, გასულ სეზონში დინამო თბილისს დებიუტი ჰქონდა და გარდა იმისა, რომ დამაჯერებლად იასპარეზა, თასის ფინალში იასპარეზა. გულშემატკივრებს UG (საქართველოს უნივერსიტეტი) კარგად ახსოვთ გასული სეზონიდან. ასე რომ, ეს ექვესული უკვე ცნობილია.

ხვალიდან, ფუტსალის მთავარ ლიგაში კიდევ ერთი სტუდენტური გუნდი, სეუ (საქართველოს ეროვნული უნივერსიტეტი) იასპარეზებს. ფუტსალის თასის გასული სეზონის 1/8 ფინალში სეუ, თსუ-ს შეეჭიდა და 3 გოლი კი გაუტანა, მაგრამ საბოლოოდ დამარცხდა და გათამაშებას გამოეთიშა. ახალი სეზონისთვის, სეუ-ს განაცხადში არაერთი ახალბედა მოთამაშეა, რომლებიც თავიანთ სიტყვას იტყვიან.

კიდევ ერთი დებიუტანტს წარვადგენთ - FLC03. ამ კლუბის ლოგოზე შევარდენია გამოსახულია და გასულ სეზონში  ეს გუნდი, სწორედ შევარდენივით სწრაფად გაფრინდა წარმატებებისკენ. ფლეი ოფში საჩემპიონო ფლეო ოფის ფინალში ტიფლისთან დამარცხდნენ. ასე რომ, ფუტსალის უმთავრეს ლიგას, FLC03-ის სახით კიდევ ერთი საინტერესო გუნდი შეემატა და ვნახოთ, როგორი იქნება შევარდნების ახალი თავგადასავალი.

დაბოლოს, თბილისის ოლიმპიურ სასახლეში, დიდი ჯახების სერია ხვალ იწყება ახალი სეზონის პირველი ტურში შემდეგი მატჩები გველის:

• 13:00 სთ.      არმია - UG
• 15:30 სთ.      პსპ - დინამო თბილისი
• 17:30 სთ.      ნიუ ვიჟენ ჯორჯიანსი - FLC03
• 19:30 სთ.   კსუ - სეუ