ნიუ ვიჟენ ჯორჯიანსმა ტურის ცენტრალურ მატჩში პსპ-ს სძლია, არმიამაც მოიგო და ეს ორი გუნდი მეორე ადგილისთვის ბრძოლას აგრძელებს. პსპ-სა და დინამოს შორის მეოთხე ადგილის, ანუ მოწინავე ოთხეულის პლეო ოფისთვისთვის საგა გრძელდება. აუტსაიდერ ტრიოში, UG-მ პოზიციები გაიმყარა. FLC03-სთან ფორა გაზარდა, მაგრამ სეუ-ს ქულით ჩამორჩება. მოკლედ, სამი დუელი (ნიუ ვიჟენი-არმია, პსპ-დინამო, სეუ-UG-FLC03) გრძელდება და ყველაფერი დარჩენილ ორ ტურში ან მანამდე გადაწყდება. იქამდე კი უპრიანია მე-19 ტური მიმოვიხილოთ.

დინამოს კსუ-სთან უცილობლად მოგება ესაჭიროებოდა, რათა პსპ-სთვის მე-4 ადგილი წაერთმია და ზედა ოთხეულის ფლეი ოფში მოხვედრილიყო. მიუხედავად იმისა, რომ კავკასიელებმა, რეგულარული სეზონის ჩემპიონობა უკვე გაინაღდეს, დინამოელებს ცხარე ბრძოლა გაუმართეს. ჯანიკო გიორგაიამ მე-8 წუთზე გახსნა ანგარში (0:1), შვიდ წუთში კი ნოდარ მ. ქურცაძემ ფორა გააორმაგა, 0:2. სტუდენტებმა მეორე ტაიმშიც აქტიურად ითამაშეს. 28-ე წუთზე საბა მაჩიტიძემ სხვაობა გაზარდა (0:3), წუთში კი გიორგი ჩიმაკაძემ ფორა სოლიდური გახადა, 0:4. დინამოელთაგან ლუკა ელიზბარაშვილმა 5 წუთში ერთი ბურთი გაქვითა, 1:4. თუმცა, კსუ-მ უმალ უპასუხა და კაპიტან ნიკა მანგოშვილის გოლით კავკასიელებმა მეტოქე ფსიქოლოგიურად გატეხეს, 1:5. წუთში, საბა მაჩიტიძემ მეორე ბურთიც გაიტანა, 1:6. მატჩის ბოლო წუთზე დინამოს მეკარე ზაურ კოტრიკაძემაც გოლი მიითვალა. კსუ-მ 2:6 მოიგო და მდევარ ნიუ ვიჟენ ჯორჯიანსს კვლავ 10 ქულით უსწრებს. დინამოს 31 ქულა დარჩა და მეოთხეზე მყოფ პსპ-ს კვლავ ქულით ჩამორჩება.

გასულ ორ ტურში მარცხის შემდეგ, არმიამ გამარჯვების გემო გაიხსენა. ლადო ბურდულის ბიჭებმა ლიგაში დარჩენისთვის მებრძოლ სეუ-ს მესამედაც სძლიეს. გიორგი ზუნტუროვმა მე-13 წუთზე დააწინაურა არმია (1:0) და ტაიმიც ასე დასრულდა. მატჩის ბედი მეორე ტაიმში გადაწყდა. 25-ე წუთზე ვანო ბექაურმა სხვაობა გააორმაგა, 2:0. მალევე გიორგი ქურდაძემაც გოლი იზეიმა, 3:0. სტუდენტებს ერთი ბურთის გაქვითვა შეეძლოთ, მაგრამ ანდრია ძიძიგურმა პენალტი ვერ გამოიყენა,რის გამოც დაისაჯნენ - ქურდაძემ მეორე ბურთიც მიითვალა, 4:0. დარჩენილ არასრულ 6 წუთში სეუ-დან გიორგი წიქვაძემ და ნიკა სიდამონიძემ თითო ბურთი გაიტანეს (4:2), მაგრამ ერთი გოლი გიგა ბერაიამაც შეაგდო. არმიამ 5:2 მოიგო, 40 ქულთ მე-3 ადგილზეა და მეორეზე მყოფ ნიუ ვიჟენს 2 ქულით ჩამორჩება.

UG და FLC03 ლიგაში დარჩენისთვის იბრძვიან და მათ შორის გამართულ მატჩს ინტრიგა არ აკლდა. წინა ორი მატჩიდან, მეტოქეებმა თითო მოიგეს, უფრო სოლიდურად კი UG-მ იმარჯვა (5:2). მატჩამდე უნივერსიტეტელები მხოლოდ ქულით უსწრებდნენ შევარდნებს და ამ დერბიში ყოველი ქულა დიდად ფასობდა. თამაში დაძაბულად წარიმართა და გარდამავალ უპირატესობაში UG-მ იმარჯვა. მე-10 წუთზე დავით ჯერანოვმა მეტოქეს ბურთი აართვა და თავადვე გახსნა ანგარიში, 1:0. სტუდენტებმა მეორე ტაიმში დაცვიდან თამაში არჩიეს, რამაც შედეგი გამოიღო. 28-ე წუთზე დავით თაბაგარის პასით, გიორგი მანაგაძემ სხვაობა გააორმაგა, 2:0. დარჩენილ დროში შევარდნებმა მეკარიანად შეუტიეს და გოლის გატანაც არაერთხელ შეეძლოთ, მაგრამ არ გაუმართლათ. UG-მ 2:0 მოიგო, 10 ქულა დააგროვა, მე-7 ადგილზე გამაგრდა, მეექვსეზე მყოფ სეუ-ს მხოლოდ ქულით ჩამორჩება და ბოლოზე მყოფ FLC03-ს უკვე 4 ქულით უსწრებს.

პსპ-სა და ნიუ ვიჟენ ჯორჯიანსის დაპირისპირება, ტურის ცენტრალური მატჩი გახლდათ. ბოლო ორი თამაშიდან ნიუ ვიჟენმა 4:2 იმარჯვა, პსპ-მ კი 7:3. ამ მატჩამდე ჯორჯიანსელები ფარმაცევტებს 7 ქულით უსწრებდნენ, მაგრამ  არმიელთა ზედიზედ ორი მარცხის შედეგად, ავთანდილ ასათიანის ბიჭებს მეორეობის შანსი გაუჩნდათ და ცხადია, საამისოდ ბოლომდე იბრძოლებდნენ. ფარმაცევტები მხოლოდ ქულით უსწრებდნენ მეხუთე საფეხურზე მყოფ დინამოს და მეოთხეზე გამაგრებისთვის მათაც მოგება სჭირდებოდათ. ჯორჯიანსელებმა მატჩის სტარტზევე აქტიურად შეუტიეს, მაგრამ პსპ-მ საიმედოდ დაიცვა კარი. მე-10 წუთზე გიორგი ქურხულმა მეკარის გრძელი პასისას ბურთი დაამუშავა და ანგარიში გახსა, 1:0. ჯორჯიანსელებმა 12 წამში უპასუხეს - ირაკლი თოდუაას დარტყმისას პსპ-ს მეკარემ ბურთი მოიგერია, მაგრამ დამატემაზე ნუკრი ჭუმბურიძემ მახვილი კუთხიდან წონასწორობა აღადგინა, 1:1. შესვენებაზე გუნდები საყაიმო შედეგით გავიდნენ და მეორე ტაიმი კიდევ უფრო დრამატულად წარიმართა. 24-ე წუთი გადამწვეტი აღმოჩნდა, ვახტანგ ჯვარაშვილმა მახვილი კუთხიდან გამარჯვების გოლი გაიტანა. ნიუ ვიჟენმა 2:1 მოიგო, 42 ქულით მეორე ადგილზეა და მდევარ არმიას 2 ქულით უსწრებს.