ფუტსალის თასის ნახევარფნალურმა მატჩებმა სენსაციის დრამატულად ჩაიარა, შარშანდელი ფინალსტი დინამო ფინალში გავიდა, რომელიც თასისთვის ფინალურ მატჩში კსუ-ს დაუპირისპირდება. გუნდს, რომლის მიზანიც ჩემპიონობის შენარჩუნება და შესაბამისად, დუბლის გაკეთებაა. საინტერესო ადაძაბული ფინალი გველის. მანამდე კი ნახევარფინალური მატჩები მიმოვიხილოთ.

ფუტსალის მთავარი ლიგის აუტსაიდერი FLC03-ს 1/8 ფინალში 4:2 სძლია, 1/4 ფინალში კი დუშეთს 4:3 მოუგო. ნახევარფინალამდე ეს გზა  გაიარა ბათუმის სახელმწიფო საზღვაო აკადემიის გუნდმა ბსსა-მ. დინამო თბილისმა SL Academy-სთან 5:0 იმარჯვა და ქუთაისი კი 8:1 დაამარცხა. ბსსა-სა და დინამოს მატჩის პირველი ტაიმი, მშრალი და საკმაოდ მძიმე გამოდგა. მეტოქეებმა შეტევებს მიმართეს, მაგრამ უმეტესწილად ორივე გუნდი ფრთხილობდა. მართალია, დინამოსგან განსხვავებით, ბსსა ქვედალიგოსანია, მაგრამ თამაშის ხასიათს ეს არ დასტყობია. ზღვისპირელთა გამოისობით დინამოელებმა გაფრთხილებების ლიმიტი ტაიმის შუაწელს ამოწურეს, მაგრამ შესვენებაზე ისე გავიდნენ, რომ მეტოქეს პენალტი არ აღირსეს. მე-19 წუთზე არბიტრმა ბათუმელთა მეკარე ზურაბ ღლონტი საჯარიმოს გარეთ ხელით თამაშის გამო გააძევა. კარში ბესიკ ბალაძე ჩადგა, მაგრამ 2 წუთის განმავლობაში, მათ შორის მეორე ტაიმის სტარტზე, აჭარლები რიცხობრივ უმცირესობაში აღმოჩნდნენ. ეს მომენტი დინამომ გამოიყენა და 21-ე წუთზე კახა მაღლაკელიძემ ანგარიში გახსნა, 0:1. მალევე გეგა კოშაძემ გოლი ორჯერ იზეიმა, 0:3. მოგვიანებით საბა ეგრისელაშვილმა და დავით ხუბუტიამაც დუბლი შეასრულეს. ბათუმელებმა ამას მხოლოდ ზვიად შამილაძის გოლით უპასუხეს. დინამომ 1:7 იმარჯვა და ფინალში გავიდა.

ევროპის უნივერსიტეტთან 7:0 და 1/4 ფინალში თსუ-სთან 7:5, ასეთ იყო პსპ-ს გზა ნახევარფინალამდე. ფარმაცევტებისგან განსხვავებით, უფრო რთული გზა გაიარა კსუ-მ. სტუდენტებმა 1/8 ფინალში არმიას 3:2 მოუგეს, ხოლო 1/4 ფინალში თასის მოქმედი გამარჯვებული ნიუ ვიჟენ ჯორჯიანსს იგივე ანგარიშით სძლიეს. ფინალში გასვლისთვის ბრძოლაში, კსუ-სა  და პსპ-ს შანსები თითქმის თანაბრად იყო მიჩნეული. თამაში სწრაფ ტემპში დაიწყო და გარდამავალი უპირატესობით გაგრძელდა. ტაიმის შუაწელს კავკასიელებმა იძალეს, გოლი მოამწიფეს და დაწინაურდნენ კიდეც. მე-10 წუთზე ნოდარ მ. ქურცაძის გამჭოლი პასით, ნიკა ხარატიშვილმა ანგარიში გახსნა, 0:1. ფარმაცევტები გაცხარდნენ, მაგრამ შესვენებამდე ანგარიში აღარ შეცვლილა. პირველისგან განსხვავებით, მეტოქეებს მეორე ტაიმში იმდენი საგოლე მომენტი არ ჰქონიათ. 27-ე წუთზე ჯანიკო გიორგაიამ შეტევა წამოიწყო, გიორგი ჩიმაკაძისა და საბა ტყეშელაშვილის გაგრძელებით, გიორგაიამ შეტევა გოლით დააგვირგვინა, 0:2. პსპ-მ მატჩის გადასარჩენად ყველაფერი გაკეთა, მაგრამ კსუ-ს მეკარე ალი ასლანმა კარი ბოლომდე მშრალად შეინახა. კავკასიელებმა 0:2 მოიგე და ფინალში გავიდნენ.

ფუტსალის თასის ფინალი, 4 მაისს გაიმართება და სწორედ ამ დღეს გადაწყდება, ტრიუმფი კავკასიური იქნება თუ დინამოური...