ფუტსალის უმთავრესი ლიგაში, საჩემპიონო ფინალური სერია კსუ-მ შთამბეჭდავად დაიწყო. კავკასიელებმა ნიუ ვიჯენ ჯორჯიანსს პირველ ორი შეხვედრა მოუგეს და ოქროს მედლების შესანარჩუნებლად ერთი გამარჯვება სჭირდებოდათ. თუმცა, ნიუ ვიჟენმა სტუდენტებს გეგმები აურია...

კსუ-სა და ნიუ ვიჟენს შორის მატჩი, დერბის შესაფერისად წარიმართა. ორმხრივი შეტევები, სწრაფი ტემპი, სანახაობრივად მდიდარი თამაში, საგოლე მომენტები... ყოველივე ამას სპორტის სასახლის ტრიბუნაზე შეკრებილი ქომაგების ოვაციები ამშვენებდა.

თამაშის სტარტზე მოწინააღმდეგეები ფრთხილობდნენ. კსუ ორჯერ დაემუქრა  მეტოქეს, მაგრამ ფლეი ოფის წინა ორი შეხვედრის მსგავსად, ანგარიში ნიუ ვიჟენმა გახსნა. მე-7 წუთზე ირაკლი თოდუამ შეტევა წამოიწყო და თავადვე გოლით დააგვირგვინა, 0:1. კავკასიელები თამაშის გადარჩენას შეეცადნენ, გოლის გატანაც არაერთხელ შეეძლოთ, მაგრამ თოდუას მიერ გატანილი ბურთი, ამ შეხვედრაში ერთადერთი აღმოჩნდა.

საჩემპიონო ფინალურ სერიაში, ნიუ ვიჟენ ჯორჯიანსმა კსუ-ს ერთი მოგება გაქვითა და ახლა ანგარიში, სტუდენების სასარგებლოდ 2:1-ია.ფლეი ოფის მომდევნო მატჩი, თბილისის სპორტის სასახლეში, 7 ივნისს გაიმართება.