ფუტსალში ჩემპიონთა ლიგის საკვალიფიკაციო ეტაპზე ჩვენი, C ჯგუფის მატჩები დასრულდა. საქართველოს ჩემპიონმა კსუ-მ ჯგუფური ეტაპი დაუმარცცხებლად დაასრულა, მაგრამ ბურთების უკეთესი ბალანსის წყალობით, მომდევნო ეტაპზე პირველადგილოსანი და ჯგუფის მასპინძელი „ბუბა მარა“ გაძვრა.

კავკასიელებმა სასტარტო ტურში გიბრალტარის „ლინქსს“ 7:3 სძლიეს. ჩვენი გუნდიდან გიორგი ჩიმაკაძემ ჰეთ თრიკი შეასრულა, თითო გოლი კი ხარატიშვილმა, მაჩიტიძემ, გიორგაიამ და კეკელიამ გაიტანეს.

მეორე ტურში, მეკარე ალი ასლანის, რონინიოსა და გიორგაიას თითო გოლით, კსუ-მ ნორვეგიულ „უტლეირას“ 3:1 მოუგო.

ორივე მატჩი მოიგო, ტურნირის მასპინძელმა „ბუბა მარამ“, მაგრამ უკეთესი ბურთების ბალანსით. დასკვნით ტურში ჩვენი ჩემპიონი სწორედ მასპინძელ „ბუბა მარას“ დაუპირისპირდა. რაოდენ გასაოცარიც არ უნდა იყოს, მატჩი იმდენად დრამატუი გამოდგა, რომ თითი გაძევების გარდა, ჩვენს კარში ორი ავტოგოლი, სამივე პენალტი იყო...

ანგარიში ვახტანგ კეკელიამ მე-3 წუთზე გახსნა (0:1), მაგრამ მე-11 წუთზე გოსტომ პენალტით წონასწორობა აღადგინა. 7 წამში პერიჩმა საკუთარ კარში ჩაჭრა ბურთი და კსუ კვლავ წინ გავიდა (1:2). ტაიმის დასრულებამდე 2 წუთით ადრე გოსტომ მეორე პენალტი გაათანაბრა ანგარიში, 2:2 და ტაიმის ასე დასრულდა. 22-ე წუთზე პერიჩმა ავტოგოლი მეორედაც გაახერხა და კსუ მესამედ დაწინაურდა (2:3), მაგრამ სამიოდე წუთში გოსტომ ჩვენს კარში დანიშნული მესამე პენალტით გოლად აქცია, 3:3. აქედან ათ წუთში მეტოქეთაგან ბუნდავიცა გააძევეს და 40 წამში კეკელიამ ჩვენები კიდევ ერთხელ წინ გაიყვანა (3:4). წითელ ბარათს ჩვენებიც ვერ ასცდნენ და 28-ე წუთზე რონინიოს მოუწია მოედნის დატოვება და მალევე პედრო სილვამ წონასწორობა აღადგინა, 4:4. თამაში სწორედ ამ ანგარიშით დასრულდა. „ბუბა მარას“ ბურთების ბალანსი 20:9, ხოლო კსუ-სი 14:8. სწორედ ამ უკეთესი ბალანსით „ბუბა მარამ“ ჯგუფიდან გამსვლელი ერთადერთი საგზური მოიპოვა.