დინამომ ლიდერი შეაჩერა
სტუდენტურ დერბიში კავკასიელებმა დამაჯერებლად იმარჯვეს, პსპ-მ მოგების გემო გაიხსენა, მეორე სტუდენტურ დერბიში თსუელებმა გაიმარჯვეს. ტურის ცენტრალურ შეხვედრაში დინამომ იძალა და ცხრილის ლიდერი შეაჩერა, ასეთია ფუტსალის უმთავრესი ლიგაში გამართული მე-6 ტურის მოკლე რეზიუმე. ახლა კი თანმიმდევრობას მივყვეთ.
მოქმედმა ჩემიონმა სეუ-ს დამაჯერებლად სძლია. კავკასიელები მეტოქის ავტოგოლით, მე-12 წუთზე დაწინაურდნენ. თუმცა, სეუელებმა ბრძოლა გააგრძელეს და 6 წუთში ანგარიში გაათანაბრეს. კსუ-დან მერაბ აჭარაძემ 15 წამში გაიტანა და კავკასიელებმა ტაიმი 2:1 მოიგეს. მეორე ნახევარი კსუ-ს კარნახით წარიმართა. აჭარაძემ მეორე ბურთიც გაიტანა, საბა მაჩიტიძემ და ჯანიკო გიორგაიამ თითო გოლი მიითვალეს. საბოლოოდ კავკასიელებმა 5:1 იმარჯვეს და 13 ქულით ცხრილის ლიდერ ნიუ ვიჟენ ჯორჯიანსს გაუთანაბრდნენ. სეუ ერთადერთი ქულით ბოლო საფეხურზეა.
ზედიზედ ორი მარცხის შემდეგ დინამო ცხრილის ლიდერ ნიუ ვიჟენს შეეჭიდა. ცნობისათვის, ჯორჯიანსელებს ზედიზედ 3 თამაში ჰქონდათ მოგებული და ამ თამაშს ჩინებულ ფორმაში შეხვდნენ. ნიუ ვიჟენმა დინამოსთან მატჩი წარმატებით დაიწყო და შესვენებამდე 3 მშრალი გოლით გავიდა არჩილ სებისკვერაძემ, ნიკოლოზ გაბრიჩიძემ და ლევან სვანიძემ თითო ბურთი გაიტანეს. მეორე ტაიმში მეტოქეს დინამოელებმა ტიტულოვან მეტოქეს ცხარე ბრძოლა გაუმართეს. მეკარე ზაურ კოტრიკაძემ დუბლი შეასრულა, ერთი ბურთიც კახა მაღლაკელიძემ გაიტანა და საბოილოოდ შეხვედრა ფრედ, 3:3 დასრულდა. ამ ფრით დინამო თბილისმა ლიდერი ნიუ ვიჟენი შეაჩერა, რითაც კარგად ისარგებლა კსუ-მ და ამჯერად ცხრილს ჯორჯიანსელები და კავკასიელები 13-13 ქულით ლიდერობენ.
ლუკა ელიზბარაშვილისა და ნიკოლოზ კოპლატაძის თითო გოლით ფარმაცევტებმა ლომისას პირველი ტაიმი 0:2 მოუგეს. მეორე ნახევარში პსპ-მ კიდევ 4 ბურთი გაიტანა. ელიზბარაშვილმა მეორედაც დალაშქრა მეტოქის კარი. ნიკოლოზ კურტანიძემ, გიორგი აფციაურმა და გიორგი სილაგავამ თითო გოლი იკმარეს. გიორგი ლაგაზაშვილისა და გიორგი გურულის თითო გოლმა ლომისას ვერ უშველა. საბოლოოდ ფარმაცეტებმა 2:6 მოიგეს და 11 ქულით მეოთხე საფეხურზე გამაგრდნენ.
კიდევ ერთ სტუდენტურ დერბიში გამარჯვება თსუ-ს დარჩა. UG-ს ძლევაში თსუელმა გეგა კოშაძემ ლომის წვლილი შეიტანა. კოშაძის ჰეთ თრიკს, საბა ეგრისელაშვილმა, გიორგი თოდუამ და ლაშა ჯიქიამ თითო გოლი შეაშველეს. UG მეტოქეს ბოლომდე ებრძოლა, მაგრამ გიორგი ცაგარეიშვილის ჰეთ თრიკი საკმარისი არ აღმოჩნდა. თსუ-მ 6:3 მოიგო. ახლა დინამოს, UG-ს და ლომისას 6-6 ქულა აქვთ და სატურნირო ცხრილშიც ამ თანმიმდვრობით განლაგდნენ.
მომდევნო, მეშვიდე და წრის დასკვნითი ტური ორშაბათს, 16 ნოემბერს გაიმართება. სეუ ნიუ ვიჟენს მიიღებს, UG კავკასიელებს დაუხვდება, ფარმაცევტები თსუს მიღებენ, დინამო კი ლომისას ეთამაშება.