გასული სეზონის მესამეადგილოსანი თელასი-ჯორჯიანსმა ახალი ჩემპიონატი სოლიდური მოგებით დაიწყო - ბრინჯაოს პრიზიორმა თასის მფლობელ ილიაუნს სძლია.

პირველად თელასი დაემუქრა მეტოქის კარს, მაგრამ თოდუას დარტყმას მეკარე აბულაძე გადაეფარა. მალევე ჯვარაშვილს შეძლო ანგარიშის გახსნა, მაგრამ ილიაუნი ისევ გადარჩა. სტუდენტებმა მაჩიტიძის ორი დარტყმით უპასუხეს, მაგრამ მიზანს მცირედით ააცილეს. თამაში თანაბარ ბრძოლაში წარიმართა, აბულაძე ჯვარაშვილის დარტყმას გადაეფარა, მისი ვიზავი ჯამბურია კი ხაჭაპურიძისას. ხიფათი ორივე გუნდის კართან არაერთი შეიქნა, მაგრამ გოლი დაგვიანდა. ტაიმის მეორე ნახევარში ჯორჯიანსელებმა ნელ-ნელა გაზარდეს სათამაშო უპირატესობა და ეს ანგარიშშიც აისახა. მე-12 წუთზე სტუდენტების იერიში თოფურიამ ჩაჭრა, ხეჩიკაშვილმა კი ანგარიში გახსნა - 0:1. მიღებული გოლის შემდეგ ილიაუნიმ უფრო მეტი ძალებით შეუტია, თელასი კი კონტრშეტევებზე გადაეწყო, მაგრამ მალევე მეტოქეებმა როლები გაცვალეს. მე-16 წუთზე კუთხურიდან მოწოდებული ბურთი, ჯვარაშვილმა ძლიერი დარტყმით გოლად აქცია - 0:2.

მეორე ტაიმიც ჯორჯიანსელთა კარნახით წარიმართა. თუმცა, სტუდენტებმა ნელ-ნელა უმატეს და 5 წუთში თამაშის სადავეებსაც დაეუფლნენ. 26-ე წუთზე მაჩიტიძის ძლიერად დარტყმისას, თელასის კიპერმა ჯამბურიამ, ბურთი აკრობატულ ნახტომში მოიგერია. ჯორჯიანსელთა იერიშებში მეკარის ფორმით, ავთანდილ ასათიანი ჩაერთო. მალევე სტუდენტების მეკარეც ვიხილეთ შეტევებში. 29-ე წუთზე გვაზავამ ილიაუნის იერიში წამოიწყო, რაც ხაჭაპურიძემ გოლით დაასრულა. სტუდენტებმა ანგარიშში სხვაობა მინიმუმამდე შეამცირეს. ამის შემდეგ, ილიაუნი უფრო გააქტიურდა. თუმცა, თელასმა 3 წუთიან მონაკვეთში მეტოქეს ორჯერ გაუტანა. ჯანიკო გიორგაიამ დუბლით,  ჯორჯიანსელებს 3 ბურთიანი უპირატესობა შესძინა. 35-ე წუთზე ილიაუნმა კიდევ ერთი ბურთი გაქვითა. მალევე ჯვარაშვილის ძლიერი დარტყმისას მეკარე აბულაძემ ბურთი ვერ შეიმაგრა და 2:5. მატჩის დასრულებამდე 10 წამით ადრე კი, თოდუამ საბოლოო ანგარიში მშვიდად დააფიქსირა - 2:6.

ამ მოგებით თელასი, თსუ-სთან ერთად მესამე ადგილზეა. პირველ-მეორე საფეხურზე კი პსპ და კსუ არიან. მეორე ტურის დასკვნით მატჩში ბსსა, პირველ შეხვედრას გამართავს - ბათუმელები არმიას ეთამაშებიან. იმასაც შეგახსენებთ, რომ ზღვისპირელებს, თელასის მსგავსად პირველი ტურის გადადებული მატჩი ჩასატარებელი აქვთ.