ზედიზედ, ორ რთულ მატჩში (პსპ-სთან და არმიასთან), ჯამში კი მიჯრით ხუთი გამარჯვების შემდეგ, კსუ პირველად დამარცხდა და პირველი ქულები დაკარგა. კავკასიელები მოქმედ ჩემპიონსა და თასის მფლობელ ნიუ ვიჟენ ჯორჯიანსს შეეჭიდნენ და მინიმალურად დამარცხდნენ. ახლა დაუმარცხებელი  მხოლოდ ნიუ ვიჟენ ჯორჯიანსია...

ჯორჯიანსელთა და კავკასიელთა შერკინება ყოველთვის დაძაბული და საინტერესოა და ეს ტრადიცია გაგრძელდა. ეს მატჩი კორექტლობითაც გამოირჩეოდა. პირველი გაფრთხილება მხოლოდ მე-15 წუთზე დაფიქსირდა. ორმხრივი შეტევების შემდეგ, ხუთიოდე წუთში, ნელ-ნელა ნიუ ვიჟენის უპირატესობა გამოიკვეთა, რაც გოლით დააგვირგვინა. მე-6 წუთზე ვახტანგ კეკელიას პასით, ნიკოლოზ გაბრიჩიძემ მახვილი კუთხიდან ზუსტი დარტყმით გახსნა ანგარიში, 1:0. ავთანდილ ასათიანის ბიჭებმა მეტოქეზე ზეწოლა გააგრძელეს. იტალო ფსილიოსა და ვახტანგ ჯვარაშვილს შეეძლოთ ფორის გაორმაგება, მაგრამ ვერ მოახერხეს. კავკასიელებმა შედებს სიმწვავე და ორგანიზებულობა შემატეს და შედეგიც მოიმკეს - მე-9 წუთზე გიორგი ჩიმაკაძემ ანგარიში გაათანაბრა. 1:1. თამაში გარდამავალი უპირატესობით გაგრძელდა, თუმცა მეტოქეები შესვენებაზე ფრით გავიდნენ. მეორე ტაიმიც გარდამავალი უპირატესობითა და უაღრესად საინტერესოდ წარიმართა. მატჩის ბოლოს ჯორჯიანსელებმა იმარჯვეს და 38-ე წუთზე შოთა თოფურიას პასით ვახტანგ კეკელიამ ჩემპიონები წინ გაიყვანა. დარჩენილ დროში სტუდენტები ვა ბანკზე წავიდნენ და მეკარიანად შეუტიეს, მაგრამ ანგარიში აღარ შეცვლილა, ნიუ ვიჟენმა 2:1 მოიგო, ამ გამარჯვებითა და 16 ქულით ცხრილს სათავეში მოექცა.